小菲菲俠自煮樂

17 4月, 2014

倆素

少時至怕體育堂,當中又以長跑為甚。

清楚記得某次長跑,希望改變過往習慣,一起跑,即盡全力,只望其後的跑程可以稍許輕鬆。

惜事與願違,因一起步太過刺激,超越身體負荷,不過中段,已跑至面青口唇白,眼見包尾已成事實,雖堅持跑畢全程,惟用盡全力,兼且痛苦不堪,結果只有更差,徒呼荷荷~~~

今日無論專家或學者,有口皆語:「莫讓孩子輸在起跑線!」

至悲全民皆受,是福抑或禍?

憑著自身能力與質素,愉快享受全賽程,輸蠃自負,想來才是對小朋友至大的支持!

人生長路,猶如一場長跑賽,是否能夠笑到最後,才是真正大蠃家,親身體會。

我的信丞仔,不需要贏在起跑線!

------------------------------------------------------------

每周不過茹素一次。

尋晚,炒個薯仔絲。




蔥頭麵豉煮南瓜。


今日早餐,孜然烤麵包片。



丞的早餐,一杯奶,一個蛋。

食至一頭一臉的蛋屑。

這是孩子至純粹的自得其樂罷~~~


若是連孩子都失去了自得其樂的能力,存在還有什麼意義~


看到父親拎佐條濕手巾行過來,還未擦拭,先行閉上眼,不見得接受,但知道抵抗無效,唯有默默忍受,總會結束。

孩子自有孩子生存的本能與方式,何需大人過多的勞心與傷神。



生於塵世中,哪能真正「明鏡本無塵」,自欺欺人罷了。。。。。。

明鏡惹塵埃,只需常拂拭~

真樂哉~

15 4月, 2014

整俾信丞小朋友的手工餃子


幾個月前整嘅餃子,依家先得閒擺上嚟。

因為信丞係一個小朋友,不適宜進食太濃味的食物,所以餃子出邊買嘅通常不太適合,想俾佢食,唯有自己整。

瘦肉剁碎先用少少生粉攪一攪滑,甘筍切絲,椰菜切絲,俾少少少少鹽調下味,撈埋即成餃子餡。



搓好麵粉,分割成一細細粒。


包好一個一個餃子仔~~~

好得意架,細細一個。

一次包多幾個,擺入冰格,每次拎幾個出嚟煮就係一餐,好方便。

我會分開一個一個係碟擺好,入冰櫃雪到略略硬之後再擺埋一齊,就唔會痴埋一舊而係一個一個喇。

信丞一次可以食到五個咧~~~


睇下,五個餃子已經有一碗喇~~





睇下,三個幾月前的信丞小朋友,自己食餃子~~~


我平時就係自己用一個匙梗餵佢,另外準備多一個俾佢一齊玩,咁樣玩下玩下,好快就適應自己用匙梗食飯。




14 4月, 2014

五香牛肉


好鐘意一檔街邊串燒檔的燒牛肉,每次經過總會買返兩串過下口癮,主要調味以五香粉為主,所以買牛肉煲粥仔俾丞,順便買多磅自己炒來食。

牛肉切片後,簡單地用生粉,五香粉,生抽老抽,黑糖,少少酒較好味,最後落一匙油拌入牛肉度,等牛肉食入多啲油,炒起上來香軟啲。

炒時燒紅鑊,將醃好味的牛油滑入,大火快炒,一見差不多轉生就起鑊,炒得剛剛好,牛肉味又濃,又好咬~~

味道總要同串燒檔嘅好相似添~~不過始終油煎嘅不如串燒嘅來得香口~~


一碟牛肉,炒多碟菜,開飯~


另外一日晚餐,豆角炒肉片~~


滾多個湯,搞掂~

11 4月, 2014

簡單兩味

蒸佐一個臘味拼盤,細細一碟~~~



唔想食飯,整佐個紅油抄手~~



炒多碟西芹雞柳~~




其實整份早餐真係好快手好易的一件事,而且自己整可以控制到食材的品質,所以唔趕時間的情況下,我都願意自己係屋企整份靚早餐。

兩塊厚切煙肉,焗幾件牛油多士,煎個靚蛋,一個好好的早餐~~


無聊翻睇手機舊相,信丞剛剛出世三日,因為少少黃,日日要返健康院,睇住佢細細粒,諗起佢軟軟的身體,香噴噴的味道,點解一下就長大~~~



差不多一歲時,幾百厭,唔會座定定係度~~


差不多十一個月時,返婆婆度過夜,淋浴時俾水整濕的眉,幾似王小虎,超搞笑~~



睇下正面,個樣幾搞笑~~~


10 4月, 2014

麻辣福花

福建椰菜花比一般白色椰菜花更鬆散,更易吸味。

好想食少少辣味的餸,所以買佐半朵福花,煮麻辣味。

做法:

1。先用油爆香蔥頭同蒜頭,落一匙麻辣醬,少少豉油同糖,將醬汁煮好。



2。將福花倒入煮好的醬料內,加少少水焗至花熟入味即可~~~