家常小集合---蕃茄魚，蒜蓉粉絲西蘭花

 

酸酸甜甜的味道大部份人都會喜歡。

前幾日做了一味蕃茄魚，好有罐頭魚的味道，不過係用的新鮮魚，食起來更鮮美。

做法就非常簡單了。

1，魚清洗幹凈之後撲點生粉。

2，放幾片姜進鑊，將魚兩面煎香

3，同鍋倒入切粒的蕃茄與姜片蒜片一起炒出香味。

4，加少少水入去燜，加點醬油，糖，加點白醋調味。

 

酸酸甜甜，煎得香香脆脆的魚，極好送飯。。。

 

早幾日超市西蘭花特價，六個六銀紙有三朵大大朵西蘭花，又新鮮又靚，又有特價，我當然二話不說，捧了三朵返來。

已經煮佐個魚，幾大份，所以只用了一朵西蘭花做素菜。

我用佐個半涼拌的作法處理這道菜。

 1，西蘭花切細朵，洗凈之後落水灼熟。基本上西蘭花只要顏色轉深再烚個幾十秒就可以了，烚好之後過一過冷水，咁樣西蘭花的中間才不會因余溫而繼續加熱而變得太腍影響口感。

2，烚好的西蘭花搵個碟，擺好盤。

3，將蒜蓉剁碎，剁多D無妨，加少少的油，少少鹽，爆出香味備用。

4，取一大紮的粉絲，用水灼軟，鋪在西蘭花上邊，然後粉絲上邊再淋上爆香的蒜蓉，倒點蒸魚豉油，再淋上一細匙的滾油，撈一撈，咁就可以食啦`~

好多專家話，西蘭花多食有益，我都喜歡它果種清爽之意，加之粉絲的滑嫩，焦香的蒜味，一道不復雜又好吃的小菜~完成~~

 

只得兩味餸菜，就無大合照了。

另外講下尋晚的餸。

 

好家常啦。

五花肉切薄片，青椒，還有少少豆腐皮，都切成絲加入同炒。

配料主要就係豆豉與蒜蓉。

炒的時候落少少醬油與糖，一道既簡單又開胃的熱菜~~

食極唔厭~~

 

依排D菜心真係好甜，買佐大半斤，同蒜蓉炒埋一碟，真係爽甜到不得了。。。

早一晚飲凈一細煲仔湯水，隔佐渣之后凈湯水，尋晚煲返熱佢，似乎更加好味添。。。

暖笠笠的家常晚餐。。。。

自製蘿蔔乾

買佐條蘿蔔，原本打算整牛腩蘿蔔湯飲下暖下個胃，點知蘿蔔就擺住係雪櫃，個牛腩就遲遲唔記得買，如果唔係早幾日清理個雪櫃，都唔知條蘿蔔總要擺幾耐。。。。

擺得太耐，個皮都縮晒水啦。。。

愛黎炒我又驚擺得太耐，無乜水唔好食，我睇阿娘整過蘿蔔乾，咁依個蘿蔔又皺皺D，咁我就試下，睇下自己整唔整得到蘿蔔乾出黎。

作法：1，先將蘿蔔切成拇指粗的條狀

2，用鹽醃一醃佢，搵個重物壓住佢一晚，等蘿蔔出水變軟。

3，咁第二日，倒佐醃出黎的水，再洒D鹽同糖撈勻。

4，搵一個通風的容器擺好，跟住擺係一個通風位，係咁就得啦。

大概三日之后，聞到香味，咁就表示已經成功了。。。

一條蘿蔔，晒成之后得果DD咁多咋。。。

今日又去街市買多幾蚊菜脯返黎。

炒一辣辣菜脯食。。。。

材料好多架。。。

「甘筍，特辣青椒，五花肉，菜脯，全部切粒，豆豉蒜蓉粒」

作法：

1，因為五花腩我係先烚熟再切，咁好似好切D，所以切好粒之后再回鑊煎一煎出香味同埋唔會咁肥膩。

2，跟住爆香D豆豉蒜蓉

3，最后將所有材料倒入去一起炒出香味，加少少水落去焗出味，加蠔油同埋糖較味，炒至干身，咁，一味香噴噴的菜脯粒粒就出黎啦。。。

愛黎撈飯，食多二碗添啵。。。。

 

頭先見口痕，整佐少少咖啡餅乾來咬下止下口痕症。。。。

新鮮滾熱辣，卜卜脆的咖啡餅乾仔。。。。

也說八卦

周慧敏倪震宣布分手

12月11日 星期四 20:00

藝人周慧敏        和倪震        發表聲明，周慧敏原諒倪震，但會回復朋友關係，倪震就基於「問責」，決定「引疚分手」。

周慧敏的聲明全文如下：

我與倪震識於微時，一起共渡過不能盡算的高低起落，早已磨合了一套我們之間的相處藝術。一個人的問題，兩個人去修正；一個人的挫敗，兩個人去承擔。我倆是一個團隊的，沒分高低，輸贏也是一体。某程度上，周慧敏早已是一位不同面貌的倪震。任誰一方受到傷害，另一方都願抵禦百倍的痛。一起走過將近二十個年頭，絕對不是在一般人的準則下相愛，但外人卻總愛把自己的一套價值觀去評價、批判屬於我倆之間的愛情。

今天我能夠成為自愛，懂得愛人，擁有著無比勇氣與承擔的女人，請不要小看這個精神伴侶在我背後為我付出過的一切努力，包容，寵愛，照顧與扶持。都生活了這麼久，沒有倪震，成就不了今天的周慧敏。所以我敢大膽向各位說一句：「我的伴侶絕對犯得起這個錯誤」，而這句說話，亦只我一人有資格去定論。看到伴侶事後為我做出的承擔，我馬上就原諒了他，又怎會有某些媒體創作出來的痛哭，拍檯，大罵，這般無稽的謊言呢？不到一天，我看到了很多無比荒誕，狠毒，涼薄的炒作與咀咒，妖魔鬼怪都湧進來，愈炒作愈黑暗，致人於死地。

公眾人物談戀愛要承受異於常人理解的壓力，從當年決定和不按常規行事的倪震談戀愛，就知道是一場革命了，亦沒有失望過。香港這片是非地，無風三尺浪，暗箭來自四方八面，行差踏錯一步就如掉進鬥獸場。當中我們需要的信心，包容，付出是一般情侶無法體會的。顯微鏡下看世界，任誰都難合格。我告訴大家，我們不害怕，也不逃避，只是有點累了。在回復到朋友關係以後，我們要好好享受不用被批判的日子，大家為未來再次裝備出發。我相信身份的改變，疏離不了我們之間微妙的關愛。

最後，我要向每位真正支持愛護我的朋友說：「我沒枉費與倪震轟轟烈列地愛過，永遠刻骨銘心，此生無憾。而我自己亦都會好好地勇敢活下去，一如過往。」多謝各位。

而倪震的聲明如下：

最近滿城風雨，矛頭都是我作為一個男朋友怎樣失敗。我多謝大家的意見和抨擊，事發後也承諾過深切反省和負責。想了一星期，我再為我的錯誤向慧敏道歉，也多謝她再一次肯包容我的過失。但感情由兩個人的事，變成了所有人的事，性質已起了改變。雨過天青不難，但可以保證暴風雨不再來嗎？我問了自己這個問題很久，意識到我這次的錯誤並非如一些損友說是技術上不小心，而是結構上出現了明顯的中年危機。我會正視問題，完善自我，不排除尋求專業輔助。在有信心改善之前，我明白到我在大家的心目中，不再是個稱職的男朋友，更不配做慧敏的男朋友。為了令公眾安心，為了顯示我的後悔和承擔，我決定引疚分手，和慧敏結束情侶關係，做回知心的朋友。這無疑是極大的損失，但我相信傳媒界，和慧敏的fans，都會歡迎我這個痛苦的決定。我不是個稱職的男朋友，但做個稱職的好朋友，我很有信心。我和慧敏相識近二十年，一向互相支持和了解。今日因我的不撿點分手，也不會影響我們繼續來往，處理合作的日常事務，和照顧愛貓。我做錯事，認了錯，向慧敏交待了，也得到慧敏的原諒。基於問責分手，已是極刑。以前種種，我和慧敏不會再作回應。以後種種，請大家尊重我和慧敏只是朋友的關係，不要再訂出情侶的標準。假如我們

我已搬離跑馬地寓所，再一次多謝慧敏多年來的包容，和傳媒多年來的鞭撻。人頭落地了，退一步海闊天空，希望事情可以告一段落。

 

---------------------------------------------------------------

---------------------------------------------------------------

以上是從報紙上轉載過來的關於“周慧敏與倪震”的分手聲明。

香港的娛樂新聞向來較之社會問題更容易起發坊間關註，這一個星期來倪震再次的“偷吃”事件讓港人的偷窺心理再次引向高潮，等待的無非就是今晚所見的最終聲明所示的結局。

 

從聲明中幾乎看不出這一對分手情侶背後的種種失落，更多的幾乎是做為公眾人物，再一次在人前做出的上佳表演，根本就是循眾要求之後順理成章的最合理安排。

 

或者對於一方而言，另一方的忠誠並不以肉體上的戒律做為情侶相處的準則，更多建立於社會關系之中彼此的信任感，與精神上互相彼此的依賴做為相處的方式與標準。因此大家多年的相處方式，讓彼此擁有了某程度上的自由與選擇，如果做為一對平凡的情侶，二者間的相處關系，關上了房門，是她們自家的事，再怎樣的驚世駭俗，都與人無由，不幸的是，這一對情侶均屬公眾人物，於是公眾對於她們顯然的寄托了太多的個人期待在內，所謂的人言可畏，更所謂的人在江湖，身不由已。於是這一對異於常人的情侶不得不最終在人前做了一場最大圓滿的分手結局。今後以朋友的身份繼續過往的相處方式，只是在公眾面前，缺少了“情侶”的關系而無須對自身的行為再繼續做無謂的解釋，相較下，自由度顯然獲得更多。

 

其實做為旁人又如何可以去判斷別人的生活是否如妳想像中的快樂或悲傷，一個人的快樂最簡單不過的判別方式不過是在於“其人是否已經求仁得仁矣”。。。

自己發芽菜全圖解

首先工具要搵一個底可以漏水的容器，同埋一條毛巾。

製作的步驟：

1，綠豆浸水五個鐘左右，等佢脹大。

2，將毛巾浸濕之后，用一頭舖係個容器面上，跟住擺浸好的綠豆上去。

3，跟住將毛巾的另一頭蓋上綠豆度，咁樣形成毛巾包住綠豆的效果，跟住搵D重物壓住綠豆（越重越好，種子遇到越大壓力生得就越靚，越粗。）

4，因為發豆芽最好係唔俾佢見光，所以我就套一個黑色膠袋係個面度，擋一擋光。

同埋擺放的環境最好係要通風。

 

5，每日早晚二次，放個綠豆芽係水喉下衝一衝濕成個兜，等綠豆可以係一個好濕潤同埋通風的環境下成長，所以一定要搵個底係可以去水的容器，如果唔係，D水積埋係個綠豆底，好快就會浸死佢地啦。

睇下，過佐24小時之后，開始發小小芽啦。。。

為佐睇真D，擺個近鏡睇下。。。。

好靚的小芽仔啊。。。。。

因為天氣太凍，咁樣的天氣其實係唔適宜發豆芽的，都等佐成五日羅，D芽菜先至係短短一截仔，阿娘話發得太耐D芽菜會變苦，所以五日，雖然無乜長度，都清洗乾淨，好醜都係自己發出黎的，都炒黎試下啦。。。。

因為過程中我太好奇，不停打開個毛巾睇個芽菜，所以個豆芽頂有少少變紅色，無關係架，只不過係個色水奇怪D，無害架。。。

睇下，D豆芽真係好大力，將毛巾穿到一個一個好大的窿窿。。。

睇真D，D芽菜雖然係短D，但係都好大隻啊，有枝筆芯咁上下體積~

整芽菜的方法大致如此，只欠在天氣問題，等天時熱佐啦，大概三日到就可以發好啦，咁食起上黎就會又爽又甜，自己發豆芽，又唔使驚會好似江湖傳聞咁，發豆芽要添加少少催化劑先至係短短一日時間就可以發得又大又靚，咁食起上黎，都幾驚架`~

自己整，安全D~~

 

梅菜扣肉

阿媽近幾年開始奉行低脂低鹽低熱量，少食多餐的飲食習慣，雖然個人係清減佐好多好多，不過睇落個精神就真係麻麻，所以早幾日買到一舊好靚的五花腩之后，俾電話阿娘「我買佐一舊好靚五花腩啵，整梅菜扣肉啵，不如過黎食啦」

阿娘沉默佐一陣之后，相信係內心掙扎做一段時間，最后都係應承佐「好啦」

睇下，D肉切得幾靚。。。。

 

作法以前寫過，就唔重複啦，睇下D五花腩，層次分明，燜緊既時候阿娘已經忍唔住話「好香啊」

因為燜得足夠時間，D肥脂已經係入口即化的程度，食起上黎，又香又易入口又唔會流~~

阿娘忍唔住添多一碗飯，佢自己都驚嘆「我已經幾年無添過飯啦，今晚都係忍唔住，太好味啦」

哈哈。。。聽到我真係好開心。。。。

焗五花腩既時候，出佐好多豬油，當然留住啦。

夜晚炒佐一個大芥菜膽，用薑蒜蓉爆香之后加臘腸炒，炒依個菜就係用佐五花腩既豬油黎炒，香到不得了~~~

炒好之后轉到瓦煲仔度再開開火熱一熱，食起上黎，耐耐都係熱辣辣~~

好好味。。。。

炒佐一碟芽菜，雖然隻是細細一碟仔，不過都係食唔晒，點解？因為太難食羅。。。甘0既？。。。

無計了，係我貪玩，自己發既芽菜，因為依家天冬，發芽菜係好難架，阿娘話，天時熱再發黎玩啦。。。。

係羅，因為天氣凍，D芽菜耐耐都發唔起，時間過長，個芽菜變得有少少苦，唔好食。。。。

 

最后等於得二味餸食，不過扣肉好扯飯，其實都足夠啦。。。。

 

 

 

創意雞扎+金鉤粉絲炒紹菜+菜干湯

上次燒烤唔記得醃雞扒，尋日阿娘黎我度玩，夜晚就用燒烤果種醃料醃佐一舊雞扒，再俾少少創意，係外形上做小小改造~

首先講下醃料---

材料有：

1、黃姜粉 2、芫莤籽粉 3、椰粉 4、香茅與幹蔥碎 5、生油 6、生老抽 7、黑砂糖

所有醃料搞勻之后，將雞扒同醃料撈好，醃的時間越長越好，我提早佐一晚開始醃定佢啦，咁真係乜味都足晒~~

跟住擺一條腸仔係入邊~~

搵綿繩，將雞扒捆紮成一舊。

最后入焗爐二百度火焗佐二十五分鐘度。

焗好之后，切成片片上碟，伴以「加多加多」醬同食。

哈，真係好好味啊~~

D香料一焗就變得非常非常之極，入邊我加佐一條腸仔，個雞皮焗到脆一脆，食起上黎，無論係口感或者味道，都非常豐富精彩~~

加埋個「加多加多」醬，極品~~

尋日好想食粉絲，早幾日係惠康以$3.8蚊買佐一條紹菜一直未煮黎食,咁就索性將二者煮埋一碟啦...

1,先用薑絲、蒜蓉、金鉤（即係蝦米啦）做味料

2，粉絲一扎浸軟

3，紹菜切好

作法：

先用油爆香所有味料，跟住倒入紹菜炒軟，加少少雞湯落去，加少少鹽調味，倒入粉絲炒至收汁。

因為粉絲好會吸水，所以基本上依味菜炒好之后係好干爽的，D粉絲吸收佐高湯同埋紹菜的清甜之后，勁好味。。。阿娘都話D粉絲好好味`~

知道阿娘鐘意飲菜干湯，咁就煲一個菜干湯好啦

買佐一盒大骨，一扎菜干，一斤新鮮白菜。

如果菜干係係街外買番黎的，咁D菜干一定要浸開先至可以清洗乾淨入邊的沙石，不過浸得太耐，D菜干味就浸到淡晒啦。。。

我用既係表姐同事送的自家制的菜干，洗得好乾淨先至晾乾的，所以我只需要浸一浸洗一洗就可以開始煲湯啦。。。

加佐粒半蜜棗，菜干湯幾時都係咁好味啦~~

阿娘整佐兩舊鹵水肉俾我，切埋又係一大碟。。。

全家福`~

今日早餐食佐乜？

好靚的蕉葉糯米卷是也~~

係阿娘整俾我架~~

餡用佐椰絲同埋肉碎與鹽，加埋少少咖喱粉炒到香一香，再包到蒸好的糯米飯度，好似包壽司咁包好一個糯米筒，外層再包上一層芭蕉葉，食之前用平底鑊或者焗爐整返熱佢，咁D芭蕉葉獨有的清香就滲入到糯米度，食起上黎，熱辣辣，香噴噴~~

無得頂啊~~

101站台

早幾日返官塘奶奶度食飯，落佐車隨手影佐幾張相，講佐多年的官塘重建計劃睇怕好快就要上馬，好多舊時建築，以后再難尋返。。。、、

係101站台果度影佐幾張相~

 

 

依幾檔粥粉面檔，平靚正~~

---------------------------------------------------

講返奶奶整既靚餸~

煲佐西洋菜湯，加佐一粒蜜棗，好好味~~

自己浸到的蟹，三隻花蟹，二隻青蟹，一隻龍蝦~~

我至愛至惹味的南乳蓮藕燜豬手`~

食唔晒果D我全部打包拎返黎，第二日再一截蓮藕落去，又係一大煲~

生炒骨，正`~

果皮蒸泥猛`

原以為四叔會返黎食飯，點知果晚得我同阿強返去，成台餸，食得飽飽。。。。