好大一個餅

某日早上,又整煎餅,依次用肉鬆整.

餅底用發酵麵底,其實就係麵粉加水加乾依士三樣搓好就係.

具體的做法以前寫過極多,可以自己網誌內搵返.

整好麵底,擦少少一層麵豉醬係底俾咸味,然後舖一層肉鬆,少少蔥花.

卷起,再壓扁,擺入雪櫃低溫發酵一晚.

第二日拎出來煎熟.

好大一個餅~~~

成個12吋碟咁大個~~~

預佐奶奶都一齊食早餐的份量,所以專登整大份,個個有得食~~

奶奶超鐘意食,猛問我落佐咩料咁香噴噴,好有興趣咁~~

不過奶奶成世人未搓過粉,佢想食,都係我整俾佢算喇.

睇下,好有層次感架~~~

又鬆軟又香口~~

晚上外賣燒鴨半邊,炒多個菜,開飯~~~

今日隨手拍丞仔~~

依幾日睇,佢好似又大個佐好多~~