蝦膏蒸腩肉

依日丞哥仔的粥仔係甘筍瘦肉菜蓉雞蛋粥.

我同強哥食好惹味,好耐好耐無食過的「蝦膏蒸腩肉」

做法其實好易。

蛋白一個（蛋黃給了丞哥仔），先用蛋白與切成薄片的腩肉撈勻，這樣腩肉會很滑很嫩的。

準備調味醬。

蝦膏用水開稀（如果買市售的蝦醬，就已經係稀的，無需再用水開稀這個步驟）

加少許砂糖，少許紹酒，撈勻，即成。

將調好的蝦醬，與腩肉片撈勻。

我依個豆卜怪，當然地底下舖了豆卜，將調好味的腩片擺面。

再舖多些許薑絲。

水滾後上鑊蒸12至15分鐘即成。

超級簡單。

好好送飯~~~

最好味無需多講，一定係縮哂汁的豆卜~~

不過如果鐘意湯汁多一些的朋友，可以底下唔要豆卜，改茄子，一樣好味。

炒多碟菜。

開飯~~

我家有個小蜘蛛俠~~~

在夜色中，攀爬~~~