用電陶爐依幾年,發覺真係越來越好用,又唔洗擔心幅射的問題,又可以利用佢爐面加熱的功能做到好多野,新一代的產品火力又夠大,加熱速度又夠快,用電比用煤氣平好多,而且真係唔覺得會嘥電。
所以某個品牌的廠商話要俾新型號的電陶爐我試用,即刻同意。
依家哋物流又真係快得好交關,半日就送到屋企。
收到生日禮物,一個電陶爐加一個焗爐。
至鐘意新款的電陶爐,超薄,外形好靚。
新型號火力猛好多~
最開心係可以隨意調節火力同火環。
如果個煲細細個,凈係開中間著火就得,咁樣就唔會嘥佐啲能源,如果煎炸食物,開中外環,咁火力就夠均勻,依一個功能最鐘意,控制火候更簡單~~
整個乾爐四季豆食。
四季豆先用少少油,半煎炸方式煎至乾身熟透。
傾走多餘的油,原鑊落生瘦肉碎,乾炒至肉碎熟之後倒入豉油糖炒入味,因為蒜粒唔受得火,所以等肉炒好之後先再落蒜粒,炒到蒜微微金黃色即可。
最後倒入炸好的四季豆,略炒之後,倒入鹽、孜然粉、辣椒粉炒勻味道即可~~
天氣凍,炒好餸連碟擺上爐頭興一興,咁樣食到尾哋餸都係暖笠笠~~
炸過四季豆的油無嘥,再用嚟煎豆腐。
紅燒豆腐來去都係差不多的做法:
1、鍋里爆香蔥頭和蒜頭,倒入醃好味道的肉片滑炒至半熟,加入浸軟切好條的香菇繼續拌炒
2、加適量稍多一點點的水,加生抽老抽糖,料酒,煮至肉片與香菇的味道出來
3、倒入豆腐繼續略煮幾分鐘,埋個芡收汁,轉入細瓦煲
瓦煲繼續在爐頭上加熱至汁滾方才端上檯~
揭蓋之後,俾少少青蔥~~
暖暖的煲仔端上檯,配上冒著熱煙的米飯,冷冷的天氣之下,塵世至簡單的享受莫過於此~
呢個電陶爐好好用咁喎!
回覆刪除基本上電陶爐只要使用得當,真係幾多功用~~
刪除電陶爐要唔要配合返專用既鑊架,我見你用瓦舖都得喎!
回覆刪除如果湯會唔會煲好耐?
電陶爐最好之處就係咩煲都可以用得,只要耐高溫,我焗盤都可以直接在爐面加熱使用。佢煲湯同任何其實燃氣係一樣嘅時間。
刪除知唔知要几多钱
回覆刪除我估都係五百蚊樓下。
刪除我都係睇咗你個 blog 之後先轉用電陶爐, 而家用緊尚朋堂, 越用越鍾意, 真係好好用~
回覆刪除想問下,你有沒有這間忠臣的香港代理資料,我都想買這部試下,但是實惠和豐澤都打過,不過都沒有,又查不到它在香港的代理在哪裡,因此想麻煩下你是否可以提供給我,TKS!
回覆刪除我的E-MAIL是: zzhhzz11@yahoo.com.hk, 我姓張,用匿名原因是我沒有這里發表留言身份的帳號,希望你可以原諒我這么冒昧, TKS!!