小菲菲俠自煮樂: 9月 2013

26 9月, 2013

食魚

今日係樓下買佐兩盒玩具,依家信丞仔係腳邊度玩緊,咁我先叫有少少時間上下網.

丞越來越痴身,行開少少已經喊到七彩,唯有我移船就磡,搬到佢身邊,佢有佢玩,我有我寫.

前晚煲落啖湯,買佐幾條魚,點知強哥唔返屋企食飯,咁唯有移到尋晚先食.

兩條黃花煎香.

另一條豉油煮.

24 9月, 2013

豉油雞

尋日睇到網友煮豉油雞,先諗起好似好耐無食過,即日又走去街市買佐隻雞返來.

檔主介紹,買佐隻清遠烏腳雞.

都唔錯,有雞味,肉有彈性,夠滑.

煮法就超簡單,用鑊稍稍爆香薑同蔥段(大量蔥),加入清水,落生抽老抽同冰糖,較好味,將雞擺入,煮熟即可.

23 9月, 2013

甚至覺得,丞較之強哥更為重要.

在強哥面前從不掩飾自己性格中的優與劣,隻需要按照本能的態度與強哥相處,自覺舒服就足夠.

很顯然,對著丞明顯具備了本能以外的某種改變,甚至因為丞的存在,更懂得珍惜自己.

但也因為丞的到來,放棄了很多對於外形打理的時間與情緒.

因此被一位家中的長輩多次明暗齊來,暗示我的不修邊幅是如何的不堪.

更進一步,看了我一眼,再閒閒地說了一句"我生佐咁多個出來,生完之後都無超過九十磅".

因為並無直接指明道姓在講的是我,如果對號入座就是我的問題,所以當下自己並無特別的表示,但事後再慢慢回想一字一句,一種被傷害的感覺,油然而生.

更嚴重的,是自此後,再聽到有人說做起不相干的事情,自己都會偏執地想像到是否又在暗示我又醜又肥,這種自我認知性極度低下的感覺,真的非常非常非常不好,我唔想承認,但我發覺有少少抑鬱的傾向.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

九個月的丞,飲食上已開始接觸更為粗糙的結構,煲的粥仔,保留返少少的顆粒狀,讓丞開始學習更為複雜的咀嚼與吞嚥能力.

每天一粒芝士,一顆蛋黃.固體每日兩餐,液體三餐,小食與生果兩次.

固體保持有肉有菜即可,依日煲的是蕃茄甘筍牛肉粥,加粒芝士,又香又開胃.

丞能夠食清成碗,全無難度,我唯一擔心的係佢食得太快,咁樣一滿碗粥,佢五六分鐘之內就食完,餐餐如此,餵慢少少,即刻開大口哇哇叫,有無人知道,一碗咁大粥,五六分鐘食完會否太快?需唔需要減速少少?`

22 9月, 2013

中秋做節

中秋正日返嬤嬤度食飯,又係一檯的送菜.

1,打墨魚丸凈抵的墨魚須無浪費到,酥炸.

2,西蘭花炒墨魚丸

18 9月, 2013

炒飯

已經多佐好多出街食的時間,實在唔想成日要去街外食,屋企自己煮,就算好簡單好簡單,我都覺得好舒服.

依日炒個飯,預先煮定煲飯,雪櫃有乜就落乜,炒飯幾時都咁好味.

17 9月, 2013

開柚

中秋就到了,食柚子係指定動作.

教各位網友一個又簡單,又輕鬆,而且唔會整污漕手的小技巧.

首先柚子在中間位置沿一圈,界開一刀

12 9月, 2013

好大一個餅

某日早上,又整煎餅,依次用肉鬆整.

餅底用發酵麵底,其實就係麵粉加水加乾依士三樣搓好就係.

具體的做法以前寫過極多,可以自己網誌內搵返.

整好麵底,擦少少一層麵豉醬係底俾咸味,然後舖一層肉鬆,少少蔥花.

卷起,再壓扁,擺入雪櫃低溫發酵一晚.

第二日拎出來煎熟.

好大一個餅~~~

11 9月, 2013

魚,鴨,菜

花了一整晚的時間,終於將以前的文章連同相,全部移過新居,這才叫安下心來,繼續我平平靜靜的日子.

已經對很多事情視之等閒,不執著於一事一物之間的得與失,反而是這次的搬家過程,自己都驚訝原來還會有不捨與堅持.非得完成心中即定的目標,才能繼續下一步.

對於新居,沒有什麼好再修飾,就是這樣子吧.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

雪櫃有剩下的一小碗鹵水,兩根生鴨腿,煎至表皮出油之後,倒入鹵水煮熟即成.

毫無難度.

10 9月, 2013

在網頁內增加「最新留言」與「分頁數」的設置

參考其它網友的做法，自己設置成功，所以又分享上來俾大家。

等大家的網頁使用上來「更就手」

首先介紹增加「最新留言」的設置方法。（點擊可看大圖）

1：進入後台管理，點選「頁面配置」

06 9月, 2013

三餐

有邊方包,焗至脆身,擦少少奇妙醬係底,跟住灑少少肉鬆係面,我就用佐魚鬆,再俾少少七味粉,一個快手好味的早餐.

03 9月, 2013

將BLOG由YAHOO搬至BLOGGER的一個方法

因為我YAHOO的資料備份尚未完成,所以未經證實依個辦法是否可行,不過理論上應該係可以做得到.

第一步:首先進入YAHOO提供資料備份的網址,將自己BLOG過往的內容備份入自己電腦中.

可進入依個網址進行: 點擊此處進行資料備份

第二步:返回自己BLOGGER,進入設定頁面,如下圖所示,點擊設定

粥粉麵

雪櫃凈有好多黃豆係度,要想辦法清佐佢.

一於用來整豆漿.

雖然現時有方便快捷的豆漿機,不過唔想因為間唔中的興趣而搬返臺返屋企,所以用攪拌機再加大煲,一樣咁煮好一煲豆漿.

自己煮得好濃,比出邊食無乜豆味的豆漿要真實好多.

02 9月, 2013

YAHOO孤兒仔女若轉新地方寫BLOG,可參考我粗略的教程

因為一直有GMAIL的賬號,所以很理所當然地用了GOOGLE的BLOG平台,GOOGL近年業務的發展一直能夠推陳出新,希望能在新的空間做到安定的居住,不必擔心隨時被人逼遷的動盪.不過很明顯看得出GOOGLE亦為自己留了一個很好的退路,有機會在不可知的未來有機會收取客戶一定的費用,所以如果介意的網友可以自己衡量是否有必要轉至這個平台.建構新BLOG平台,最簡單是申請一個GMAIL的的賬號,然後就可以進行具體的BLOG建立.

或可進入這個網址進行: http://www.blogger.com

(點擊可看大圖)

第一步:點擊箭咀所指地方,開始構建BLOG平台

新平台BLOG的建構圖示說明

因為一直有GMAIL的賬號,所以很理所當然地用了GOOGLE的BLOG平台,GOOGL近年業務的發展一直能夠推陳出新,希望能在新的空間做到安定的居住,不必擔心隨時被人逼遷的動盪.不過很明顯看得出GOOGLE亦為自己留了一個很好的退路,有機會在不可知的未來有機會收取客戶一定的費用,所以如果介意的網友可以自己衡量是否有必要轉至這個平台.

建構新BLOG平台,最簡單是申請一個GMAIL的的賬號,然後就可以進行具體的BLOG建立.

或可進入這個網址進行: http://www.blogger.com

(點擊可看大圖)
第一步:點擊箭咀所指地方,開始構建BLOG平台

01 9月, 2013

行街飲奶見婆婆

今曰丞行街街，肚餓揾個地方座低開餐，全無難度。

新地方,新氣象,舊的不去,新的不來.

新BOLG地址:

http://eva12478.blogspot.hk/

未必係一件壞事,面對YAHOO每況愈下的表現,換過一個新地方重頭來過,可能會有更多驚喜感受.

YAHOO已至暮年,不思進取,不求有功,但求無過,以此敷衍態度行事,關門大吉不過係早晚的事

總要向前望,新BOLG試玩下,好多功能比YAHOO更有誠意,對於我來講,唯一不捨的係大家的依份熟悉感覺,至於話無佐的文章,可以慢慢再積累,希望YAHOO真係可以做到將舊文章轉到新地址,因為我記性唔好,好多食譜我自己都要睇返舊文先記得返,相信好多網友都一樣.

新BOLG是GOOGLE名下產品,大家如果想寫返網誌,只需要先註冊一個GMAIL的郵箱,就可以開返一個新的BLOG平台,簡單易上手,係一個唔錯的選擇.

歡迎大家去我新居行一轉.

新地方,新氣象,舊的不去,新的不來.

留言者: 蕃茄麵
Email: waiagnes@yahoo.com.hk
網址:
日期: 2013-09-01 19:55:15

菲 ~~ 入唔到去妳新地址
[版主回覆09/01/2013 20:33:09]GOOD~~
[蕃茄麵回覆09/01/2013 20:31:12]yes ~ ok
[版主回覆09/01/2013 20:24:47]你 COPY時有機會連前頭的冒號一齊要埋,所以入唔到,依家你再試一次COPY 個網址.

http://eva12478.blogspot.hk/

留言者: Allium
Email: @yahoo.com
網址:
日期: 2013-09-01 18:59:01

大陸IP打唔開新地址⋯唔識爬牆。難道It's time to say goodbye? ......
[版主回覆09/01/2013 21:47:37]新BLOG流量表顯示今日有三十幾個內地網友曾經瀏覽過,咁應該唔識爬牆,都可以入得到新網址,或者你再試下~
[版主回覆09/01/2013 20:25:37]等我諗諗~~

留言者: ADL
Email: allayna307@yahoo.com.hk
網址:
日期: 2013-09-01 18:03:58

Follow左你啦! 我都係轉去blogspot: allaynalee307.blogspot.hk
[版主回覆09/01/2013 20:26:03]睇到你~