小菲菲俠自煮樂

25 10月, 2013

菜心牛肉粥

極少推車仔同丞出街,多數用背帶.

今日同丞落街行,秋天的陽光與微風那般的溫柔,懷中的小人似乎也感受得到這份暖暖的舒適,小手不停打著節拍,附和母親愉快的歌聲,看到樹,捉著丞的小手摸一摸,感受自然的觸感,睇到紅色的花,又指住同丞介紹紅色為何物,睇到慢行的差人,在丞的耳邊低聲解釋差人的身份與作用.

明知丞未必聽得明,但如許親密的舉動,卻滿足了我身為人母的趣味,是需要如此的互動,才能叫我在單調反覆的家務中感受到生活的愉快.

每日一粥,菜心牛肉粥.


拌勻之後,香噴噴~~~

一大碗,對丞而言,全無難度.

24 10月, 2013

早餐

知道強哥至愛年糕.

媽媽來看丞同學,順便做了一底帶來.

這日的早餐,煎年糕.

媽媽說小時看外婆蒸年糕,並非用黑糖調制,而是用白糖炒至出糖色再加入糯米粉中拌出粉漿,蒸出來的年糕味道帶了焦糖的香味,想來更是怡人.





23 10月, 2013

肉包

其實小朋友的能力總是比我們能夠想像的更強大

丞B好細個時已經識得自己拎住奶樽飲水

不過我一路認知佢總係太細個,所以無俾佢試過全程自己飲奶

早兩日試下俾佢自己捉住奶樽,估唔到佢原來早有能力可以自己飲完一枝奶

睇下,十個月的小朋友,幾嘆~~



22 10月, 2013

圍爐

天氣稍凍,就好想打邊爐.

湯底不過係牛肉加蘿蔔滾熟後加少少麵豉,清甜又香,最緊要,夠簡單.


19 10月, 2013

一雞兩味

僅憑小丞同學的粥,大致就能猜到當日我們的晚餐內容.

雞蓉菜心芝士粥


18 10月, 2013

有入有出~

尋晚媽咪煲佐節瓜瘦肉雞蛋粥過我食.

聞到味道已經知道超好味.

忍唔住,先試下粥溫~~



17 10月, 2013

蘿蔔牛腩


姨媽姨丈收工後話過來痴餐,咁就燜定一大煲牛腩.

紫砂煲又出動,快靚正.

先用油爆香薑,腐乳,豆瓣醬,慢慢火將味道爆出香味.




倒入出過水的牛腩,落多一粒八角,一粒冰糖,加水燜至淋軟.

口味重的,再俾鹽較味.

燜淋的方法以前講過好多次,就係燜下熄下火停一停,再開火燜過,重復兩三次,基本上肉已軟透又入味.





16 10月, 2013

大饅頭


都要俾丞B食多些麵食.

所以蒸饅頭係最理想.



每次蒸好後脹卜卜的饅頭總係特別令人心情愉快.


15 10月, 2013

涼瓜炒牛肉


這一天陳信丞小朋友,吃的是南瓜瘦肉粥.



爸爸和媽媽媽,滾了個咸蛋瘦從芥菜湯.



14 10月, 2013

蝦膏蒸腩肉

依日丞哥仔的粥仔係甘筍瘦肉菜蓉雞蛋粥.



我同強哥食好惹味,好耐好耐無食過的「蝦膏蒸腩肉」

做法其實好易。

蛋白一個(蛋黃給了丞哥仔),先用蛋白與切成薄片的腩肉撈勻,這樣腩肉會很滑很嫩的。




13 10月, 2013

冬瓜

通常屋企有乜材料就煲咩粥仔.

依日有冬瓜,咁信丞小朋友就同我地一齊食冬瓜喇.

冬瓜牛肉粥.















.


牛肉買得唔係多,都係自己返黎剁剁剁碎佢.

自己剁可以剁細地





天乾燥,都要多飲湯水先得.

煲啖冬瓜湯飲.

櫃底個紫砂煲好多年無用過,拎出來煲啖湯水.



煲得好靚~~~

睇來要多地用佢先得.


好清甜的湯水.


炒多個菜.


總有一味洋蔥炒牛肉唔記得影,全家福,開飯~



丞同學好認真咁研究關於自己成長的問題.


為免媽咪滋擾,轉過身,繼續專心研究~~

有前途!


12 10月, 2013

自榨蘋果汁




牛肉


隔門望父~~



最近因為要幫丞同學煲牛肉粥仔,所以屋企都食多佐牛肉.

一次買多些,晚餐又煮牛.

細個時阿爸好鐘意食牛,所以屋企對於牛肉的煮法有好多.

依日煮一味五香牛肉俾強哥.

牛肉用:五香粉,黑糖,生抽老抽,鹽,紹酒,少少生粉等調味撈勻,最後再倒入稍多些的油入去,等牛肉食多地油,咁炒起上來就會嫩.出街炒牛肉全部落佐蘇打粉,食上來牛味全無,實在浪費.

醃一至二個鐘入味.                



04 10月, 2013

大個仔,有身份證羅

幫丞B辦特區護照,係郵局拎好表格,填好寫埋支票一齊寄去入境處,一個星期就有信寄來話可以電話預約去領證,尋日預約佐,今日去到等佐十幾分鐘已經搞掂哂,真係好方便.

辦特區護照送埋兒童無相身份證,大個仔羅,有自己身份證羅~~





03 10月, 2013

國慶

成個星期都係出邊食飯,依排天氣好,溫暖,陽光,風.

多帶信丞仔出去行下睇下.