買佐條茄子，本想整魚香茄子，但又唔記得買少少配料，咁就整過第二樣茄味。
條茄超大，將佢一分為二，分為兩截。
然後取筷子兩條，擺係茄子底下固定好，我就直刀切落，底下有一對筷子頂住，一切到筷子處就停，咁就可以好齊整地將茄子切開一片片，但又不會切斷，保持到茄子的連貫性。
茄子片與片之間，擦少少生粉水。
免治豬肉用「鹽，糖，生粉，胡椒粉」醃好味。
將醃好味的肉讓入茄子中間。
好易咋，一細細匙肉隨意地擺入茄片中間，輕輕一夾，肉就分佈得好均勻喇。
鑊入邊落少少油，將釀好的茄子落鑊煎一煎至表皮變軟，原鑊擺入少少蒜同薑爆一爆出香味。
然後落少少麵豉醬炒出香味，落啲生抽老抽同糖，適量水，煮茄。
中細火煮大約十分鐘，唔揭蓋焗多五分鐘，搞掂。
水可以落多啲去煮茄子，煮好後，將茄子入碟，鑊入邊的的醬汁埋少少芡收汁，然後倒上茄子度，食得～～～
一條茄子煮好一大碟，鐘意茄子的我覺得，超好味～～
沒有留言:
張貼留言