肉包

其實小朋友的能力總是比我們能夠想像的更強大

丞B好細個時已經識得自己拎住奶樽飲水

不過我一路認知佢總係太細個,所以無俾佢試過全程自己飲奶

早兩日試下俾佢自己捉住奶樽,估唔到佢原來早有能力可以自己飲完一枝奶

睇下,十個月的小朋友,幾嘆~~

其實只要適當的引導加上一份信任,小朋友總會在不經意間俾到驚喜自己~~

不假人手的感覺份外開心~

飲完奶的小丞同學就順便睡下覺

而我就有時間,去搓下麵粉,整個包.

整強哥至愛的大肉包

因為純肉,我驚包得太多肉食上來會滯

所以餡適量即可

聽日早餐,小肉包一籠.

蒸好後發得好靚~

趁熱即刻食一個先

鮮美的肉汁,真係,無敵~~

聞到香味,小丞同學自動起身,分一杯羹~